"Ювентус" ярим ҳимоячиси Адриен Рабьо "кекса синьора" ярим ҳимоячиси Пол Погбанинг допинг тести билан боғлиқ вазиятни клуб қандай енгаётгани ҳақида гапирди.
"Мен у билан гаплашиш имконига эга бўлдим. Бу қийин вазият. Клубда ҳамма саросимага тушди. Умид қиламанки, у бу вазиятни имкон қадар тезроқ ҳал қила олади. Албатта, биз ҳозир у билан биргамиз. У бизнинг ёрдамимизга эга. Бироқ, бу фақат бир кишининг бошига тушган катта қийинчиликдир", - деди Рабьо Footmercato билан суҳбатда.
Эслатиб ўтамиз, аввалроқ ОАВда муваффақиятсиз допинг-тест туфайли Погба Турин клубида ойига 873 минг евро ўрнига 2 минг евро олиши ҳақида хабарлар тарқалган эди. Шунингдек, Погба спорт судида допинг қабул қилишда айбдор деб топилса, уни узоқ муддатга дисквалификация қилиш ва шартномасини бекор қилиш хавфи бор.
