"Бавария" ҳужумчиси Томас Мюллер яқин келажакда жамоани тарк этмайди.
34 ёшли футболчининг амалдаги шартномаси жорий мавсум охирида тугайди ва ОАВда фахрийнинг кетиши мумкинлиги ҳақида мунтазам миш-мишлар пайдо бўлди.
Kicker хабарига кўра, "Бавария" Мюллер асосий таркибдаги доимий ўрнини йўқотганига қарамай, унинг шартномасини узайтириш ниятида. Немис форвардига 2025 йилнинг ўрталарига қадар шартнома таклиф қилинади.
Томас Мюллер жорий мавсум мюнхенликлар сафида 8 та ўйинда қатнашиб, 3 та голли узатмани амалга оширди.