"Реал Сосьедад" ҳужумчиси Умар Содиқ Англия Премьер-лигасига ўтиши мумкин. 26 ёшли нигериялик ҳужумчи Лондоннинг “Челси” клубининг қизиқиш доирасига тушиб қолди, деб хабар беради Todofichajes.
"Аристократлар" африкалик футболчини қишки трансфер ойнасида қўлга киритишга ҳаракат қилишлари мумкин. “Кўклар”нинг Содиқ учун курашдаги рақиби “Манчестер Юнайтед”.
Содиқнинг испан клуби билан шартномаси 2028 йилнинг ўрталарига қадар тузилган. Transfermarkt портали унинг нархини 18 миллион еврога баҳоламоқда.
Ла Лиганинг жорий мавсумида ҳужумчи саккизта ўйин ўтказиб, битта голли узатмани амалга оширди.
