Мадриднинг “Атлетико” клуби ҳимоячи Марио Эрмосо билан шартномани узайтирмоқчи. Бироқ, "Ан-Наср" вазиятга аралашганидан кейин музокаралар жараёни тўхтаб қолди. Албатта, Мадрид клубига молиявий жиҳатдан саудияликлар билан рақобатлашиш қийин.

Todofichajes хабарига кўра, "Атлетико" директор орқали Эрмосога янги шартнома таклифи оширилмаслиги ҳақида хабар берган. Энди қарорни 28 ёшли футболчининг ўзи қабул қилиши керак.

Марио Эрмосонинг амалдаги шартномаси 2023/2024 йилги мавсум охиригача амал қилади. Transfermarkt портали экспертлари ҳимоячини 20 миллион еврога баҳоламоқда.