"Милан" ҳимоячиси Симон Кьяер ўйинлар сони бўйича Дания терма жамоаси рекордчисига айланди.
Дания сардори Сан-Маринога қарши ўйинда майдонга тушди, бу ҳимоячининг жамоаси либосидаги 130-ўйини бўлди. Аввалроқ бу рекорд 129та ўйин ўтказган "Манчестер Юнайтед"нинг афсонавий дарвозабони Петер Шмейхелга тегишли эди.
2024 йилги Европа чемпионати саралаш босқичининг саккизинчи туридан ўрин олган учрашув 2:1 ҳисобида данияликлар фойдасига ҳал бўлди. Каспер Юльман жамоаси 19 очко билан Словения терма жамоаси билан биринчи ўринни бўлишиб турибди.