Мадриднинг «Реал» клуби ҳужумчиси Винисиус Жуниор Бразилия терма жамоасидаги фаолияти ҳали ўзи хоҳлагандек кетмаётганини тан олди.

«Бразилия терма жамоасидаги ўйинларим ҳали мен хоҳлаган даражага етгани йўқ. Мен ўзимнинг энг яхши вариантимни кўрсатишим керак.

Худди шу нарса «Реал Мадрид»га ҳам тегишли. Мен яхшиланишим керак», - деди Винисиус Уругвайдан учралган мағлубиятдан кейин берган интервьюсида.

Шу кунгача 23 ёшли Винисиус Бразилия терма жамоасида 24 та ўйин ўтказиб, 3 та гол ва 3 та голли узатмани амалга оширган.

Охирги баҳсда пентакампеонелар Уругвай терма жамоасига 0:2 ҳисобида имкониятни бой беришди.