"Манчестер Юнайтед" ярим ҳимоячиси Каземиро "қизил иблислар"нинг навбатдаги АПЛ доирасидаги "Шеффилд Юнайтед"га қарши ўйинини ўтказиб юборади.
"Манчестер Юнайтед" расмий сайти хабарига кўра, Каземиронинг Венесуэлага қарши ўйинда олган енгил жароҳатидан тезроқ тикланиш учун клуб маслаҳати билан Бразилияда қолган. У шанба кунги ўйинда иштирок эта олмайди, бироқ келаси ҳафта бошида "Манчестер Юнайтед" машғулот майдонига қайтиб, машғулотларни давом эттириши кутилмоқда.
Жорий мавсумда Каземиро барча мусобақаларда 11 та ўйин ўтказиб, 4 та гол ва битта голли узатмани амалга оширди.
