"Милан" ярим ҳимоячиси Тижани Рейндерс чемпионликни қўлга киритиш клуб учун қанчалик муҳимлиги ҳақида гапирди.
Айни дамда “Милан” А Серияда 21 очко билан пешқадамлик қилмоқда ва “Интер”дан (19) олдинда. Якшанба куни “россонерилар” 17 очко билан учинчи ўринда бораётган “Ювентус”га қарши баҳс олиб боради.
“Скудеттоми ёки Чемпионлар лигасими? Албатта, мен скудеттони танлайман, чунки иккинчи юлдуз клуб ва мухлислар учун қанчалик муҳимлигини биламан. Лекин Чемпионлар лигасида ғалаба қозониш ҳам орзу, мен бу ерга шу мақсадда келганман. Ҳозирги мавсумда имкон қадар узоққа боришни истаймиз.
Келгуси сегмент мавсумнинг асосий қисмларидан биридир. Олдинда учта "Ювентус", "ПСЖ" ва "Наполи" жамоаларига қарши муҳим ўйин бор, бу кўп нарсани англатади. Биз ҳамма нарсада ғалаба қозонишга ҳаракат қиламиз", - деди Рейндерс ТМW билан суҳбатда.
