"Арсенал" ҳимоячиси Бен Уайт клубдаги фаолияти ҳақида ўз фикрлари билан ўртоқлашди.
"Канонирлар" раҳбарияти жорий мавсумда бир неча бор хабар қилинганидек, 26 ёшли футболчи билан янги шартнома имзолаш ниятида. Англиялик футболчининг амалдаги шартномаси 2026 йилгача мўлжалланган.
“Албатта, мен бунга очиқман. “Арсенал”да имкон қадар узоқроқ қолишни истайман. Мақсадим энг юқори савияда ўйнашда давом этиш ва “Арсенал”ни бўлиши керак бўлган жойига қайтариш”, деди футболчи Sky Sports нашрига.
Бен Уайт 2021 йилдан бошлаб лондонликлар шарафини ҳимоя қилади. Жорий мавсумда футболчи 12 та ўйин ўтказиб, битта гол урган.
