Англия терма жамоаси жаҳон чемпиони ва 1966 йилги “Олтин тўп” соҳиби Бобби Чарлтон 86 ёшида вафот этди, деб хабар берди “Манчестер Юнайтед” сайти.
"Манчестер Юнайтед" клубимиз тарихидаги энг буюк ва севимли футболчилардан бири сер Бобби Чарлтоннинг вафоти муносабати билан қайғуради. Сер Бобби нафақат Манчестер ёки Буюк Британияда, балки футбол ўйналадиган бутун дунёда миллионлаб одамлар учун қаҳрамон бўлган. Клуб унинг рафиқаси Леди Нормага, қизлари ва набираларига ҳамда уни севган барчага самимий ҳамдардлик билдиради”, — дейилади клуб хабарида.
Чарлтон - "Манчестер Юнайтед" академияси тарбияланувчиси. Клуб билан 17 йил давомида у 758 ўйин ўтказиб ва 249 гол урган.
Чарлтон Англия терма жамоаси сафида 106 ўйин ўтказиб, 49 та гол урган ва 1966 йилги жаҳон чемпионатида ғолиб чиққан. Нафақага чиққанидан сўнг у "Манчестер Юнайтед"да 39 йил давомида клуб директори сифатида ишлади.
