Осиё Чемпионлар лигаси гуруҳ босқичи, 3-тур доирасида ОКМК Олмалиқда Эроннинг "Сепахон" жамоасини қабул қилади.
"Сепахон" жамоаси 1953-йилда ташкил топган. Жамоани таниқли мутахассис Португалиялик Жозе Мораиш бошқаради. Клуб муваффақиятларига тўхталадиган бўлсак, "Сепахон" 5 карра мамлакат чемпиони ва 4 карра Эрон кубоги ғолиби саналади.
Жамоа айни дамда ички чемпионат баҳсларида 5 ўйиндан сўнг 15 очко жамғарга ҳолда 2-поғонани банд этган. Таркибда Эрон миллий терма жамоасига аъзо 11 футболчи мавжуд.
ОКМК — "Сепахон" учрашуви 23 октябрь куни Олмалиқдаги "ОКМК спорт мажмуаси" стадионида 19:00да бошланади.
Осиё Чемпионлар лигаси. 3-тур
23-октябрь, душанба.
Олмалиқ. ОКМК спорт мажмуаси
ОКМК (Ўзбекистон) – "Сепахон" (Эрон)
Бош ҳакам: Аҳмад Алали (Қувайт)
Ёрдамчи ҳакамлар: Абдулҳади Аланези, Аҳмад Аббос (иккаласи Қувайт)
Захира ҳаками: Хироки Касахара (Япония)
ВАР: Абдуллоҳ Жамоли (Қувайт)
АВАР: Абдуллоҳ Алкандари (Қувайт)
Назоратчи: Али Ҳамад Мадҳад Саиф Албедвави (БАА)
Комиссар: Али Ҳамуд Ал Наими (Қатар)
Маҳаллий медиа офицер: Камолиддин Абдуллаев
Маҳаллий бош координатор: Муҳаммад Содиқ Содиқ-Охунов
