Osiyo Chempionlar ligasi guruh bosqichi, 3-tur doirasida OKMK Olmaliqda Eronning "Sepaxon" jamoasini qabul qiladi.
"Sepaxon" jamoasi 1953-yilda tashkil topgan. Jamoani taniqli mutaxassis Portugaliyalik Joze Moraish boshqaradi. Klub muvaffaqiyatlariga to‘xtaladigan bo‘lsak, "Sepaxon" 5 karra mamlakat chempioni va 4 karra Eron kubogi g‘olibi sanaladi.
Jamoa ayni damda ichki chempionat bahslarida 5 o‘yindan so‘ng 15 ochko jamg‘arga holda 2-pog‘onani band etgan. Tarkibda Eron milliy terma jamoasiga a’zo 11 futbolchi mavjud.
OKMK — "Sepaxon" uchrashuvi 23 oktyabr kuni Olmaliqdagi "OKMK sport majmuasi" stadionida 19:00da boshlanadi.
Osiyo Chempionlar ligasi. 3-tur
23-oktyabr, dushanba.
Olmaliq. OKMK sport majmuasi
OKMK (O‘zbekiston) – "Sepaxon" (Eron)
Bosh hakam: Ahmad Alali (Quvayt)
Yordamchi hakamlar: Abdulhadi Alanezi, Ahmad Abbos (ikkalasi Quvayt)
Zaxira hakami: Xiroki Kasaxara (Yaponiya)
VAR: Abdulloh Jamoli (Quvayt)
AVAR: Abdulloh Alkandari (Quvayt)
Nazoratchi: Ali Hamad Madhad Saif Albedvavi (BAA)
Komissar: Ali Hamud Al Naimi (Qatar)
Mahalliy media ofiser: Kamoliddin Abdullayev
Mahalliy bosh koordinator: Muhammad Sodiq Sodiq-Oxunov
