БААнинг Абу-Даби шаҳрида 21 октябрь, шанба куни  UFC 294 мусобақаси бўлиб ўтди. Турнирда иштирок этган спортчиларнинг қанча гонорар олгани маълум бўлди.

UFC 294 турнирида энг катта гонорар Ислом Махачевга берилди. Кечанинг асосий жангида Волкановскини мағлуб этган Махачев 1,79 миллион доллар миқдорида гонорар олди. Ушбу пулларнинг 750 минг доллари иштирок учун, 100 минг доллари ғалаба учун, 850 минги трансляцияларда келган даромад, 50 минг доллари энг яхши жанг учун бонус, 42 минг доллар эса ҳомийлар тўлови ҳиссасига тўғри келмоқда.

Александр Волкановски эса 1,58 миллион доллар (750 минг — жанг учун, 800 минг — трансляциялар сотувидан тушган маблағ, 32 минг — ҳомийлар тўлови) гонорар олди.

Шунингдек, Камару Усмон устидан ғалаба қозонган Ҳамзат Чимаев 865 минг долларга эга чиқди. Усмон эса 1,02 миллион доллар гонорар соҳибига айланди.

UFC 294 да энг кўп гонорар олган спортчилар:

Ислом Махачев — 1 790 000 доллар
Александр Волкановски — 1 582 000 доллар
Камару Усмон — 1 020 000 доллар
Ҳамзат Чимаев — 865 000 доллар
Магомед Анкалаев — 225 000 доллар
Саид Нурмагомедов — 205 000 доллар
Жонни Уокер — 160 000 доллар
Тим Эллиотт — 160 000 доллар
Ворли Алвес — 120 000 доллар
Икрам Алискеров — 99 000 доллар.