Дам олиш кунларида «Арсенал» Премьер-лига доирасида «Челси»га қарши ўйин ўтказди (2:2).
«Канонирлар» дарвозабони Аарон Рэмсдейл жамоа сафида йўқ эди - мураббийлар футболчига ўғлининг туғилгани учун бир неча кунлик таътил беришди.
Goal порталининг хабар беришича, душанба куни Рэмсдейл машғулотларга қайтди. Шу боис дарвозабон сешанба куни бўлиб ўтадиган Чемпионлар лигаси доирасида «Севилья»га қарши ўйинда «Арсенал» таркибида бўлиши керак.
Айтиш жоизки, сўнгги пайтларда Аарон Рэмсдейл «Арсенал»да Дэвид Райяга рақобатда ютқазмоқда.
«Севилья» ва «Арсенал» ўртасидаги Чемпионлар лигаси учрашуви 24 октябрь куни тунда бошланади.
