Ўтган ҳафтада «Шахтёр» Патрик ван Ливен жамоа бош мураббийлигидан истеъфога чиққанини эълон қилди. Донецк клубида спорт директори бўлиб ишлаётган Дарио Срна клубнинг вақтинчалик бош мураббийи вазифасини бажарувчи бўлди.
Хорватиялик мураббий қўл остида жамоа Украина чемпионатида ЛНЗни 3:0 ҳисобида мағлуб этишди.
Нуфузли журналист Фабрицио Романонинг ижтимоий тармоқларда хабар беришича, «Шахтёр» энди янги мураббий устида ишламоқда. Яқин 24-48 соат ичида қарор қабул қилинади.
25-октябрь, чоршанба куни «Шахтёр» Испанияда «Барселона»га қарши баҳс олиб боради. Жамоалар Чемпионлар лигаси гуруҳ босқичининг 3-турида тўқнаш келишади.
