"Бавария" ярим ҳимоячиси Жамол Мусиала "Ливерпул"га ўтмайди.
Матбуотдаги хабарларга кўра, 20 ёшли футболчи "Бавария"даги ҳолатидан унчалик мамнун эмас ва яқин келажакда жамоани тарк этиш ҳақида жиддий ўйлаб кўриши мумкин.
Инсайдер Флориан Плеттенбергнинг сўзларига кўра, кўплаб миш-мишларга қарамай, "Ливерпул" Мусиала учун жиддий даъвогарлар қаторида эмас. Тахминларга кўра, немис юлдузи Мюнхендан кўчиб ўтса, фаолиятини давом эттириш учун фақат иккита ҳақиқий вариант қолади - "Манчестер Сити" ва "Реал".
Жамол Мусиаланинг трансфер қиймати экспертлар томонидан 110 миллион еврога баҳоланган.
