"Арсенал" бош мураббийи Микель Артета дарвозабон Давид Райянинг ўйини ҳақида гапирди.
28 ёшли футболчи яқинда "Челси" билан 2:2 ҳисобидаги дербида хатоси учун танқид қилинган эди. "Севилья"га қарши Чемпионлар лигаси ўйини олдидан журналистлар Артетадан Райяни Аарон Рэмсдейл билан алмаштиришга тайёрми ёки йўқлигини сўрашди.
“Футболда хатолар бўлади. Катта клубда ўйнаш ҳар доим катта босим билан бирга келади. Сиз муваффақиятга эришишингиз ва энг зўр бўлишингиз керак ва сизнинг ёнингизда сизни туртки берадиган кимдир бўлиши керак", - дейди "канонирлар" устози.
