Англия терма жамоасининг собиқ футболчиси Жейми Реднапп "Манчестер Юнайтед" ҳимоячиси Гарри Магуайрга қилинган танқидлар тўлқинига жавоб берди.
“Магуайрга нисбатан адолатсизлик қилинмоқда. Қандай ўйнамасин, барибир танқид қилинади. Сўнгги пайтларда Гарри яхши формада, лекин катта эҳтимол билан у жамоани ўзгартириши керак. "Манчестер Юнайтед" мухлислари томонидан билдирилган танқидлар ножоиз. Буни камар остидаги зарба дейиш мумкин", - деди Реднапп Sky Sport билан суҳбатда.
Англия Премьер-лигасининг жорий мавсумида Магуайр "қизил иблислар" сафида тўртта ўйинда иштирок этди. Уларда ҳимоячи битта голли узатмани амалга оширди.
