Лондоннинг “Челси” клубининг собиқ ҳужумчиси, ҳозирда футбол эксперти Крис Саттон “Ливерпуль” ва Миср терма жамоаси ҳужумчиси Муҳаммад Салоҳ ҳақида ўз фикрлари билан ўртоқлашди.
“Менимча, Салоҳ Премьер-лига давридаги “Ливерпуль”нинг энг буюк футболчиси. У буюклик борасида Жеррардга қиёсланган, аммо Стивен чемпионлик унвонини олмади. Муҳаммад жамоани янги босқичга олиб чиқди. У кўп ўйнайди ва гол уради, у жуда ишончли футболчи. Салоҳни Алан Ширер билан тенглаштириб қўйиш мумкин", - деди Саттон.
Муҳаммад мерсисайдликлар жамоасида 2017 йилнинг ёзидан бери ўйнаб келмоқда. Томонлар ўртасидаги амалдаги меҳнат шартномаси муддати 2025 йил июнь ойи охиригача ҳисобланади.
