«Бавария» бугун янги рекорд ўрнатиши мумкин.

Агар Томас Тухель шогирдлари «Галатасарой»ни меҳмонда мағлуб этса, «қизил машина» Чемпионлар лигаси гуруҳ босқичида сафарда кетма-кет 8 ўйинда ғалаба қозонган тарихдаги биринчи клубга айланади.

Айни дамда «Бавария» бу рекордни Туриннинг «Ювентус»и билан бўлишиб турибди. Ҳар икки жамоа Чемпионлар лигаси гуруҳ босқичида турли вақтларда сафарда кетма-кет 7 та ғалабага эришган.

Эслатиб ўтамиз, «Бавария» дастлабки икки турда «Копенгаген» ва «Манчестер Юнайтед»ни ортда қолдириб, ўз гуруҳида максимал очко жамғарган эди. Ўтган мавсумда «қизил машина» гуруҳдаги барча учрашувларда ғалаба қозонган.