Гарри Магуайрнинг "Манчестер Юнайтед" сафида бир ярим йилдан кўпроқ вақт ичида илк голини "Копенгаген" дарвозасига киритди ва ушбу гол эвазига "МЮ" ғалаба қозонди. "Қизил иблислар"нинг собиқ футболчиси Пол Скоулзнинг фикрича, Гарри "Манчестер Юнайтед" мухлисларининг мақтовига лойиқ.
"Биз Гарри Магуайрга яхши баҳо беришимиз ва уни мақташимиз керак. Сўнгги бир йил ичида у фақат ўзига нисбатан ҳақоратларни эшитди. У "Манчестер Юнайтед"га ғалаба келтирди. У учун ҳам, Андре Онана учун ҳам катта ўйин", - деди Пол Скоулз BBC Sport билан суҳбатда.
Клублар миқёсидаги Европанинг энг нуфузли футбол турнирининг навбатдаги турида “Манчестер Юнайтед” яна данияликларга қарши сафарда баҳс олиб боради.
