Лионель Месси октябрь ойи охирида фаолиятидаги саккизинчи "Олтин тўп"ни қўлга киритиши кутилмоқда. "Вест Хэм" футболчиси Майкл Антонио бу борада фикр билдирди.
“Мессининг жаҳон чемпионатидаги ғалабаси катта воқеа эканлигини тушунаман. Аммо треблга эришган жамоани ва Холанд ушбу треблга эришиш учун барча рекордларни янгилаганини эътиборсиз қолдириб бўлмайди. У "Олтин тўп"га лойиқ. Агар у буни ололмаса, бу катта шов-шув бўлади", - деди Антонио.
Эслатиб ўтамиз, клублар миқёсида Лионель Месси ёздан бери МЛСда ўйнайдиган “Интер Майами” шарафини ҳимоя қилиб келмоқда.
