Нуфузли футбол инсайдери Фабрицио Романо “Шахтёр” ярим ҳимоячиси Георгий Судаковнинг Чемпионлар лигасидаги дебют голи ҳақида гапирди. Иқтидорли футболчи гуруҳ босқичининг 3-тури доирасидаги ўйинда Каталониянинг “Барселона” клубига (1:2) гол урди.
“2002 йилда туғилган иқтидор эгаси Судаков Чемпионлар лигасида дебют голини урди. Бу ҳақиқий марварид. "Шахтёр" аллақачон унинг учун катта миқдорда пул талаб қилмоқчи. Европанинг етакчи клублари бу футболчини кузатиб боришмоқда, масалан,Туриннинг “Ювентус” клуби", - деб ёзди Романо.
Жорий мавсумда Судаков ўнта ўйин ўтказиб, учта гол урди. Унинг трансфер нархи 15 миллион еврога баҳоланмоқда.
