"Реал" ярим ҳимоячиси Жуд Беллингем 2023/24 йилги мавсумдаги ўйини ҳақида фикр билдирди.
"Мен жуда хурсандман. Мен фақат ўйинларни кутаман ва улардан завқланаман. 11 та гол урганимдан бироз ҳайронман, лекин жамоамга ёрдам бера оламан ва бундан жуда хурсандман", - дея Беллингемнинг сўзларини келтиради TVE.
Жорий мавсумда 20 ёшли англиялик футболчи “Реал” сафида барча турнирлар доирасида 12 та ўйин ўтказиб, 11 та гол урди ва 3 та голли узатмани амалга оширди. Беллингем Чемпионлар лигасининг дастлабки учта ўйинида гол урган клуб тарихидаги иккинчи футболчига айланди.