Европа лигаси гуруҳ босқичининг 3-турида Германиянинг «Фрайбург» жамоаси Сербияга сафар қилиб, маҳаллий «Бачка» дарвозасига 3 та гол урди.
Меҳмонларнинг учта голига ҳам италиялик Винченцо Грифо муаллифлик қилди. У немис клуби сафида еврокубоклар ўйинида хет-трик қайд этган иккинчи италиялик футболчига айланди.
Биринчи бундай ютуқ 2007/2008 йилги мавсумда ўша пайтда «Бавария»да ўйнаган Лука Тони томонидан қайд этилган эди. Ўшанда Тони УЕФА кубогида грекларнинг «Арис» клуби дарвозасига учта гол урди.
Таъкидлаш жоизки, Грифо ўз фаолияти давомида Италияда ҳеч қачон чиқиш қилмаган - ҳар доим фақат Германияда ўйнаган.