Саудия Арбистонининг Ар-Риёд шаҳрида 28 октябрь куни Queensberry компанияси томонидан бокс кечаси ташкил этилади.
Кечанинг асосий жанги оғир вазн тоифасида Тайсон Фьюри (33-0-1) ва Френсис Нганну (профессионал боксда дебют) ўртасида кечади.
WBC ушбу жанг ғолибига махсус камар тақдим этади. Камар “Ар-Риёд чемпиони” деб номланади. Махсус камарда жангчилардан ташқари Хосе Сулаймон, Жо Фрэйзер, Муҳаммад Али ва Майк Тайсон суратлари туширилган.
Эслатиб ўтамиз, Тайсон Фьюри сўнгги жангини 2022 йил декабрь ойинда ўтказган ва жангнинг 10-раундида Дерек Чисорани техник нокаутга учратган эди.
Френсис Нганну эса 2023 йил январь ойида UFC'ни тарк этганини маълум қилганди. Спортчи 2022 йил январь ойида октагондаги сўнгги жангини ўтказган ва Сирил Ган устидан ғалаба қозонганди.
