Мадриднинг «Реал» клуби ҳуқуқлари Туриннинг «Ювентус» клубига тегишли полшалик дарвозабон Войцех Шенснига қизиқиш билдирмоқда. Бу ҳақда Todofichajes портали саҳифаларида хабар берилди.
«Қироллик» клуби Шенсни номзодини мавсум охиригача Лондоннинг «Челси»сидан ижарага олинган Кепа Аррисабалагага муқобил вариант сифатида кўриб чиқмоқда. «Реал»нинг фикрича, 33 ёшли полякнинг трансфери клубга испанияликни сотиб олишдан анча арзонга тушади.
Тажрибали дарвозабоннинг трансфер нархи ўн миллион еврони ташкил қилади. Унинг «кекса синёра» билан шартномаси 2024/2025 йилги мавсум охиригача амал қилади.