"Барселона"нинг тажрибали ярим ҳимоячиси Илкай Гюндоган Фермин Лопес ҳақида гапирди. 20 ёшли футболчи яқинда “Шахтёр”га қарши ажойиб ўйин ўтказиб, гол урди.
“Фермин жуда яхши ҳаракат қилмоқда. У ҳар қандай вазиятда яхши ечим топа олади. Гап калит бўлиши мумкин бўлган жуда яхши футболчи ҳақида кетмоқда. Ўнг оёқ билан ҳам, чап билан яхши зарба беради, узун пас беришни билади... Лекин ҳар доим хотиржамликни топа билиш керак. Агар мувозанатга эришсангиз, ўйин даражангиз янада юқори бўлади”, деди Гюндоган.
"Барселона" Испания Ла Лигасидаги навбатдаги ўйинини 28 октябрь куни ўз майдонида "Реал"га қарши ўтказади.