Лондоннинг "Тоттенхэм" клуби бош мураббийи Анж Пастекоглу инглиз клубидаги фаолияти ҳақидаги ҳис-туйғулари билан ўртоқлашди.
"Мен ҳар кунидан завқланаман ва футболчилар ҳам ҳар куни роҳатланишларини истайман. Жадвалда биринчи ўринда турганимиз учун эмас, балки орзулар билан яшаётганимиз учун.
Биз фантастик футбол клубида ўйнаймиз, ўзимиз севган иш билан шуғулланамиз ва қолган ҳамма нарса бизга юклатилган вазифаларни бажармоқда. Мен учун муҳими, мухлисларимизга қувонч, ишонч ва умид бахш этишимиз. Футбол клублари айнан шу мақсадда. Биз бу йўналишда ишлашда давом этишимиз керак", — деди Пастекоглу.
28 октябрь куни Англия чемпионатининг 10-тур доирасида Лондоннинг "Кристал Пэлас" ва “Тоттенхэм” клублари тўқнаш келишди. Ўйинда "Тоттенхэм" "Кристал Пэлас"ни 2:1 ҳисобида мағлуб этди. “Шпорлар” АПЛ турнир жадвалида пешқадамликни мустаҳкамлаб, биринчи ўринда қолди. Жамоа ўнта учрашувда 26 очко тўплади.
