"Бавария" президенти Герберт Хайнер бошқа Европа клубларининг яқинда мюнхенликлар билан янги шартнома бўйича музокараларни тўхтатган ярим ҳимоячи Жамол Мусиалага қизиқиши ҳақидаги миш-мишларга изоҳ берди.
"Мусиалани бошқа клублар ёқтиришидан ҳайрон эмасмиз. У ақл бовар қилмайдиган футболчи. У буни сешанба куни Истанбулда яна бир бор намойиш этди. Унинг 2026 йилгача мўлжалланган шартномаси бор ва Жамол "Бавария"да эканлигини билади. Мусиала ҳам бу клубда унинг учун барча эшиклар очиқлигини билади. Мен унинг биз билан узоқ вақт қолишини истардим. Ҳозирча ҳеч бир томон шошилмаяпти" - деди Хайнер.
