Бугунги марказий ўйин учун баҳс тарихидаги тегишли статистик маьлумотларни кўриб чиқамиз.

Агар "Барселона" ғалаба қозонса, Хави ўз уйида кетма-кет икки ўйинда "Реал"ни мағлуб этган иккинчи мураббийга айланади.

Анчелотти «класико» ўйинларини дуранг билан тугатмагани ажабланарли. Италиялик мураббий 13 ўйинда 6 ғалаба ва 7 мағлубият қайд этган.

Икки мураббий ўртасидаги курашда Хави 7 ўйинда 4 марта ғалаба қозонган.

"Барса" сўнгги 6 та «класико» ўйинида 4 марта ғалаба қозонган бўлса, "Реал" сафардаги 4 та «класико»нинг 3 тасида ғолиб келган.

Агар Беллингем гол урса, инглиз футболчиси Ла Лигадаги дебюти, Чемпионлар Лигасидаги дебюти ва «эл-класико»даги дебютида гол урган биринчи мадридлик футболчига айланади.

"Барса"да жароҳатлар туфайли барқарорлик йўқлигига қарамай Opta суперкомпьютери уларни ўйин фаворити сифатида кўрмоқда.

Ғалаба учун 41,6%, Анчелоттининг биринчи дуранги учун 29%, "Реал"нинг ғалаба қозониш эҳтимоли учун 29,4% белгилаган.