«Реал Мадрид» ярим ҳимоячиси Федерико Вальверде профессионал фаолиятини қайси клубда якунламоқчи эканлигини айтди.
«Бир йилни ҳисобга олмаганда, умримнинг охиригача «Реал»да бахтли бўлардим. Фаолиятимни «Пеньярол»да якунламоқчиман», - дея уругвайлик ярим ҳимоячининг сўзларини келтиради Madrid Xtra.
Эслатиб ўтамиз, Вальверде Европага кўчиб ўтиши ва «Реал» билан шартнома имзолашдан олдин ҳам «Пеньярол»да ўйнаган. 25 ёшли уругвайлик футболчи фаолиятини айнан шу жамоада бошлаган.
Аввалроқ Вальверде келажакда «Реал Мадрид» сардори бўлиш истагини билдирган эди. Жорий мавсумда Федерико Испания чемпионатида бир гол урди ва иккита голли узатмани амалга оширди.
