"Барселона" бош мураббийи Хави Эрнандес "Реал" ярим ҳимоячиси Жуде Беллингемнинг ўйинига юқори баҳо берди.
Бугун Испания чемпионатининг 11-тури доирасидаги ўйинда “Барселона” “Реал”га имкониятни бой берди. Учрашув 2:1 ҳисобида якунланди. Беллингем дубл қайд этди.
"Мен Беллингемни буюк футболчи деб биламан, у жуда зўр ўйинчи ва у ҳам ажойиб ҳолатда", - деди Хави DAZN билан суҳбатда.
Жорий мавсумда 20 ёшли ярим ҳимоячи барча турнирларни ҳисобга олган ҳолда 13 та учрашувда қатнашиб, 13 та гол урди ва 3 та голли узатмани амалга оширди.
Эслатиб ўтамиз, Беллингем 10 та гол билан Ла Лиганинг энг яхши тўпурари ҳисобланади. Энг яқин таъқибчи - 7 та гол билан Антуан Гризманн.
