Мадриднинг “Реал” клуби ярим ҳимоячиси Тони Кроос фаолиятини Англияда якунлаши мумкин.
Немис футболчиси фаолиятини "Реал Мадрид"да якунлаш нияти ҳақида бир неча бор айтганига қарамай, миш-мишлар уни Англия Премьер-лигаси клубларидан бирига ўтиши мумкинлиги билан боғлашмоқда. Daily Star хабарига кўра, амалдаги шартномаси мавсум охирида тугайдиган Крооснинг хизматлари АПЛ гигантларига таклиф қилиниши мумкин. "Челси", "Манчестер Юнайтед", "Манчестер Сити" ва "Ньюкасл" аллақачон вазиятни кузатиб боришмоқда.
Қайд этилишича, ярим ҳимоячи «Реал»нинг асосий таркибидаги доимий ўрнини йўқотганидан норози, шу боис у кетишга қарор қилиши мумкин.