"Ливерпуль" ҳужумчиси Луис Диаснинг оиласида нохуш ҳодиса юз берди.
26 ёшли футболчининг ота-онаси шанба куни Колумбиянинг Барранкас шаҳрида ўғирлаб кетилган, дея хабар беради инсайдер Фабрицио Романо журналист Вики Давилага таяниб. Бу, таъкидланганидек, бир неча соат олдин содир бўлган. Полиция аллақачон ўғирланганларни тезроқ қайтариш устида ишламоқда.
Якшанба куни "Ливерпуль" Англия Премер-лигаси доирасида "Ноттингем Форест"га қарши ўйинда майдонга тушади. Учрашув Тошкент вақти билан соат 19:00да бошланиши режалаштирилган.
Жорий мавсумда Луис Диас Юрген Клопп жамоасида 11та ўйинда иштирок этди.
