«Манчестер Юнайтед»нинг ҳужумкор ярим ҳимоячиси Бруно Фернандеш жамоа бош мураббийи Эрик тен Хаг билан муносабатлари, шунингдек, голландиялик мутахассис қолган футболчилар билан қандай алоқа ўрнатиши ҳақида гапирди.
«Мураббий билан муносабатларим жуда яхши. У суҳбатлашмоқчи бўлган етакчилар гуруҳини аниқлади. У нимадир дейишимни, жамоага ниманидир етказишимни хоҳласа, мен билан бевосита боғланади.
У ўзига яқин бўлган бошқа бир гуруҳ ўйинчилар билан ҳам шундай фикрда», — дея Фернандешнинг сўзларини келтиради журналист Фабрицио Романо.
Эслатиб ўтамиз, португалиялик футболчи «қизил иблислар» сардори ҳисобланади. Фернандеш инглиз клубига 2020 йилнинг қишида «Спортинг»дан кўчиб ўтганди.
