"ПСЖ" ярим ҳимоячиси Фабиан Руис Евро-2024 олдидан кўпроқ ўйин вақтини олишни хоҳлайди, шу боис у қишки трансфер ойнасида клуби рўйхатини ўзгартириш имкониятини кўриб чиқмоқда.
TodoFichajes порталига кўра, 27 ёшли Руис "Тоттенхэм"нинг радарида. Премьер-лига турнир жадвалида пешқадамлик қилаётган Лондон жамоаси ўз таркибини кучайтирмоқчи.
Нуфузли Transfermarkt портали экспертлари Фабиан Руисни 30 миллион еврога баҳоламоқда. Испаниялик футболчининг амалдаги шартномаси 2026/2027 йилги мавсум охиригача амал қилади.