"Бавария" ҳужумчиси Жамол Мусиала фаолиятини Туманли Альбионда давом эттириш учун иккита ажойиб вариантга эга.

Football Insider нашри хабарига кўра, 20 ёшли германиялик футболчининг хизматларига Англия Премьер-лигасининг грандлари қизиқиш билдирмоқда. Гап "Манчестер Сити" ва "Ливерпуль" клублари ҳақида кетмоқда. Ҳар икки клуб Жамолнинг ўйинларини диққат билан кузатиб бормоқда ва у билан музокара бошлашга тайёр.

Мусиаланинг Мюнхен клуби билан шартномаси 2026 йилнинг ёзида якунига етади. Футболчининг трансфер қиймати 110 миллион еврога баҳоланмоқда.

Бундеслиганинг жорий мавсумида форвард олтита учрашувда иккита гол урди ва иккита голли узатмани амалга оширди.