"Милан" бош мураббийи Стефано Пиоли А Сериянинг 10-туридан ўрин олган "Наполи"га қарши кечган ва 2:2 ҳисобидаги дуранг билан якунланган учрашув ҳақида гапирди.
Эслатиб ўтамиз, биринчи бўлимдан сўнг “россонерилар” иккита тўп фарқи билан олдинга чиқиб олишганди, аммо ўйин якунигача улар ўз устунлигини сақлаб қола олишмади. Пиолининг фикрича, “Милан” бундан ҳам яхшироқ натижага лойиқ эди.
"Қанча имкониятлар яратганимизни ҳисобга олсак, урилган иккита гол етарли эмас. Уйга бир очко билан қайтиш уят – бу кўнгилни ҳира қилади. 2:0 ҳисобида олдинда бўлганингизда, ғалаба қозонишингиз керак", - дея Пиоли сўзларини келтиради TMW.
