"Milan" bosh murabbiyi Stefano Pioli A Seriyaning 10-turidan o‘rin olgan "Napoli"ga qarshi kechgan va 2:2 hisobidagi durang bilan yakunlangan uchrashuv haqida gapirdi.
Eslatib o‘tamiz, birinchi bo‘limdan so‘ng “rossonerilar” ikkita to‘p farqi bilan oldinga chiqib olishgandi, ammo o‘yin yakunigacha ular o‘z ustunligini saqlab qola olishmadi. Piolining fikricha, “Milan” bundan ham yaxshiroq natijaga loyiq edi.
"Qancha imkoniyatlar yaratganimizni hisobga olsak, urilgan ikkita gol yetarli emas. Uyga bir ochko bilan qaytish uyat – bu ko‘ngilni hira qiladi. 2:0 hisobida oldinda bo‘lganingizda, g‘alaba qozonishingiz kerak", - deya Pioli so‘zlarini keltiradi TMW.
