Мадриднинг “Атлетико” клуби бош мураббийи Диего Симеоне клуб билан янги меҳнат шартномасини имзолашга яқин турибди. Бу ҳақда Cope журналистлари хабар бермоқда.
Манбанинг хабарига кўра, мураббий "матрасчилар" билан уч йилга мўлжалланган шартнома имзолайди. Таъкидлаш жоизки, ушбу шартномада муваффақиятсиз натижалар юзага келган тақдирда томонлар ҳамкорликни муддатидан олдин тўхтатиши мумкин бўлган бандни ўз ичига олади.
Симеоне 2011 йилдан буён Мадриднинг “Атлетико” клуби бош мураббийи ҳисобланади. Унинг амалдаги шартномаси 2024 йилнинг ўрталарига қадар мўлжалланган.
Мадридликлар айни дамда Испания чемпионати турнир жадвалида учинчи ўринда бормоқда.
