“Лестер Сити”, “Челси” ва “Манчестер Юнайтед” клубларининг собиқ ярим ҳимоячиси Дэнни Дринкуотер 33 ёшида профессионал футболдаги фаолиятини якунлаганини эълон қилди.
Эслатиб ўтамиз, англияликнинг сўнгги клуби "Рединг" бўлиб, футболчи 2021/22 йилги мавсумда ўйнаган. Дринкуотер “Манчестер Юнайтед” тарбияланувчиси ҳисобланади, бироқ унинг фаолиятидаги энг яхши йиллари “Лестер” либосида ўтган. Дэнни “тулкилар” билан Премьер-лигада ғолиб чиққан.
Дринкуотер фаолиятидаги пасайиш 2017 йилнинг ёзида, у Лондоннинг “Челси” клубига ўтганида бошланган.
