“Lester Siti”, “Chelsi” va “Manchester Yunayted” klublarining sobiq yarim himoyachisi Denni Drinkuoter 33 yoshida professional futboldagi faoliyatini yakunlaganini e’lon qildi.
Eslatib o‘tamiz, angliyalikning so‘nggi klubi "Reding" bo‘lib, futbolchi 2021/22 yilgi mavsumda o‘ynagan. Drinkuoter “Manchester Yunayted” tarbiyalanuvchisi hisoblanadi, biroq uning faoliyatidagi eng yaxshi yillari “Lester” libosida o‘tgan. Denni “tulkilar” bilan Premyer-ligada g‘olib chiqqan.
Drinkuoter faoliyatidagi pasayish 2017 yilning yozida, u Londonning “Chelsi” klubiga o‘tganida boshlangan.