"Бавария" дарвозабони Мануэль Нойернинг фикрича, "Барселона" дарвозабони Марк-Андре тер Штеген Германия терма жамоасида биринчи рақамли бўлишга лойиқ.
"Албатта, ҳозирда у биринчи рақамли посбон, лекин ҳозир бу ҳақда ўйламайман. Ҳозир мен қайтиб келганимдан ва қайтиш жуда яхши ўтганидан хурсандман.
Узоқ муддатли жароҳатдан сўнг, ҳар доим нимадир содир бўлиши эҳтимоли бор. Қайтиш учун тўғри вақт келганда буни узоқ вақт муҳокама қилиш мумкин. Менда яхши кайфият бор эди, шунинг учун мен мураббийга яшил чироқ ёқдим.
Бу жуда ҳиссиётли кун эди. Мен йигитлар билан ва мухлисларимиз қаршисида майдонга қайтганимдан жуда хурсандман", - деди Нойер.
Эслатиб ўтамиз, "Дармштадт"га қарши ўйинда Нойер деярли 11 ой ичида илк бор майдонга тушди. Бу вақт давомида 37 ёшли дарвозабон синган оёғидан тузалиб кетганди. Мануэль йўқлигида Германия терма жамоаси дарвозасини Марк-Андре тер Штеген ҳимоя қилди.
