"Манчестер Юнайтед" ҳозирда мураббийни алмаштириш ҳақида ўйламаяпти. Manchester Evening News нашри берган маълумотларга кўра, "қизил иблислар" раҳбарияти мавсумнинг ёмон бошланганига қарамай, амалдаги бош мураббий Эрик тен Хагни истеъфога чиқармоқчи эмас.
Эслатиб ўтамиз, “Манчестер Юнайтед” айни дамда Англия Премьер-лигасида саккизинчи ўринда бормоқда. Эрик тен Хаг жамоаси лигада ўтказган 10 ўйинининг роппа-роса ярмини ютқазди. Чемпионлар лигасида "манкунианликлар" ўз гуруҳида "Галатасарой"дан бир очко ортда қолиб, учинчи ўринда бормоқда.
Олдинроқ "Манчестер Юнайтед" ўн Хаг ўрнига "Челси"нинг собиқ бош мураббийи Грэм Поттерни таклиф қилиши мумкинлиги ҳақида хабар берилганди.
