"Манчестер Юнайтед" бош мураббийи Эрик Тен Хаг АПЛнинг 10-турида "Манчестер Сити"га қарши дербидаги мағлубиятдан сўнг (0:3) жамоасининг кайфияти ва формаси ҳақида гапирди.
Айни вақтда "Манчестер Юнайтед" турнир жадвалида 8-ўринда бормоқда.
"Жамоадаги кайфият? Буни "Манчестер Сити" ўйинидан кейин сўраяпсиз, лекин бунгача биз кетма-кет учта ўйинда ғалаба қозондик ва жамоадаги кайфият жуда яхши.
Ўйлайманки, биз чўққиларга чиқмоқдамиз. Мавсум боши оғир кечди, аммо ҳозир биз тўғри йўналишда кетяпмиз. Биз сабр қилишимиз керак. Жароҳат олган футболчиларнинг яна таркибга қайтганидан хурсандман. Бу бизнинг жамоамизни янада кучли қилади", - деди Тен Хаг Independent билан суҳбатда.
