"Манчестер Сити"нинг таянч ярим ҳимоячиси Келвин Филлипснинг вакиллари "Реал" билан боғланиб, унга футболчи билан шартнома имзолашни таклиф қилишди, дея хабар бермоқда Defensa Central нашри.
Қайд этилишича, Мадриднинг позицияси аниқ - улар бу вариантни кўриб чиқмаяптилар, бу уларга қизиқ эмас.
"Манчестер Сити" эса Филлипсга умид қилмаяпти.
Аввалроқ, "шаҳарликлар" 27 ёшли англиялик футболчи учун 50 миллион фунт стерлинг нарх белгилаган эди. Манчестер клуби 2022 йилнинг ёзида Филлипсни 42 миллион фунт стерлингга "Лидс"дан сотиб олганди.
Футболчи ўтган мавсумнинг бир қисмини жароҳати туфайли ўтказиб юборди, шунинг учун у жами атиги 593 дақиқа ўйнади.
