Бразилия терма жамоаси ва "Барселона"нинг собиқ футболчиси Роналдиньо аргентиналик ҳужумчи Лионель Мессига берган маслаҳатлари ҳақида гапирди.
"Мен Лео "Барселона" ёшлар жамоасида ўйнаганида уни кузатганман. Ўшанда ҳам у дунёнинг энг зўрига айланишини тушунгандим. Мен унга берган ягона маслаҳатим: “Завқ ва эркинлик билан ўйна. Тўпни оёғинг остида ушлаб тур, қолгани ўз-ўзидан келади”.
Дўстларингиз ўз орзуларини рўёбга чиқараётганини кўриш жуда ёқимли", - деди Роналдиньо The Athletic билан суҳбатда.
Эслатиб ўтамиз, яқинда Месси саккизинчи марта “Олтин тўп”ни қўлга киритди.
