«Манчестер Юнайтед» қишки трансфер ойнасида топ ҳужумчини сотиб олиши мумкин. Бу ҳақда Tribal Football журналистлари хабар бермоқда.
Манба берган хабарга кўра, «қизил иблислар» Франция терма жамоаси ва Мадриднинг «Атлетико» клуби ҳужумчиси Антуан Гризманнга қизиқиш билдирмоқда.
«Манкунианликлар» январь ойида «матрасчилар»га бу борада таклиф юбормоқчи. Франциялик футболчининг испан клуби билан тузган меҳнат шартномасида у 25 миллион евро эвазига бошқа жамоага ўтиши мумкин бўлган банд бор.
Ла Лиганинг жорий мавсумида 32 ёшли форвард ўнта ўйин ўтказди. Антуан еттита гол урди (иккитаси пенальтидан).
