«Manchester Yunayted» qishki transfer oynasida top hujumchini sotib olishi mumkin. Bu haqda Tribal Football jurnalistlari xabar bermoqda.
Manba bergan xabarga ko‘ra, «qizil iblislar» Fransiya terma jamoasi va Madridning «Atletiko» klubi hujumchisi Antuan Grizmannga qiziqish bildirmoqda.
«Mankunianliklar» yanvar oyida «matraschilar»ga bu borada taklif yubormoqchi. Fransiyalik futbolchining ispan klubi bilan tuzgan mehnat shartnomasida u 25 million yevro evaziga boshqa jamoaga o‘tishi mumkin bo‘lgan band bor.
La Liganing joriy mavsumida 32 yoshli forvard o‘nta o‘yin o‘tkazdi. Antuan yettita gol urdi (ikkitasi penaltidan).
